Hayo yamesemwa na  mratibu wa TACAIDS  Mkoa wa MWANZA Bwana Geofrey Chambuko, katika ufunguzi wa warsha shirikishi kwa ajili ya utambulisho na kuandaa mpango wa utekelezaji wa mradi wa SAUTI YETU.

Warsha hiyo imefanyika Mkoani Mwanza na kujumuisha waratibu wa


UKIMWI wa Halmashauri, wenyeviti na makatibu wa Konga kutoka katika Halmashauri 19, ambao ndio wanufaika wakuu na watekelezai wa mradi wa SAUTI YETU unaosimamiwa na Baraza la Taifa la watu wanaoishi na VVU (NACOPHA), kwa ufadhili wa Watu wa Marekani (USAID).
Katika hotuba yake mgeni rasmi Bwana Chambuko amesisitiza WAVIU kushiriki kikamilifu kama inavyoelezea  Sera ya Taifa ya UKIMWI,kuwa ni wajibu na jukumu kwa  jamii  yetu watanzania, na mtu mmoja mmoja  kwa nafasi yake kuhakikisha kuwa wanazuia na kudhibiti  maambukizi ya  UKIMWI.

Aidha Bwana Chambuko ametoa wito kwa washiriki na kusema 
“mradi huu uwe chachu ya mapambano dhidi ya   UKIMWI katika halmashauri zetu, naamini endapo tutatekeleza vyema mradi huu basi hapatakuwa tena na maambukizo mapya katika jamii zetu, tutaongeza idadi ya watu waliopima na kutambua hali zao za maambukizi ya VVU, kuwa na idadi kubwa ya watu waliojua hali zao na kuanza tiba na kuendelea kubakia katika tiba na mwisho tutaweza kuboresha afya na kupunguza uwingi wa virusi ndani ya miili yetu. Ningetamani hili lingeweza kuwekwa kama lengo la kila mmoja wenu aliyepata bahati ya kuhudhuria mkutano huu”.