WANAUME IRINGA WAAMSHWA TENA VVU


Na Friday Simbaya, IRINGA
Mkuu wa Wilaya ya Iringa Richard Kasesela, amewataka wanaume kujitokeza kwa wingi kupima VVU ili kujua hali zao na kama wakugundulika waanze dawa mara moja.
Alisema kuwa utafiti unaonesha kwamba wanaume wako nyuma katika masuala ya kupima VVU ukilinganisha na wanawake.
Kasesela alisema hayo wiki iliyopita wakati wa uzinduzi wa filamu itwayo ‘PILI’ ya masuala ya VVU na UKIMWI katika Mkoa wa Iringa katika viwanja vya Mwembetogwa, iliyoanza kuonekana kuanzia saa moja 1 jioni hadi saa tatu usiku.
Alisema kuwa Iringa inakabiliwa na changamoto ya masuala ya UKIMWI kwa vile inashika nafasi ya pili katika maambukizi ya VVU baada ya Mkoa wa Njombe anaoshika nafasi ya kwanza kitaifa.
Kasesela alieleza kuwa  kuna faida ya kupima VVU na hatimaye kujua hali yako kwa vile Serikali inatoa ARVs za kupunguza makali ya VVU bure kupitia Msaada wa Mfuko wa dharura wa Raisi wa Marekani wa kupambana na UKIMWI (PEPFAR).
“Kupima VVU na kujua hali zetu za afya hasa kwa wanaume kutapunguza kasi ya maambukizi ya VVU mkoani Iringa, hivyo naomba wanaume wenzangu tuwe mstari wa mbele” Alihimiza DC Kasesela.

Pia alilipongeza Baraza la Taifa la Watu Wanaishi na VVU (NACOPHA) kwa kushirikiana na Ubalozi wa Marekani kwa onesho la filamu ya “PILI”.
Inalenga kuwafikishia ujumbe vijanakukiwa ni mwendelezo wa maadhimisho ya miaka 15 ya msaada wa PEPFAR katika kuwezesha wanaoishi na VVU (WAVIU) hasa vijana.
 Mratibu wa uzinduzi wa filamu ya “PILI” kutoka NACOPHA bwana Edward Uisso alisema lengo kuu la onesho la filamu/sinema hii ni ukuza ongezeko na ufikiwaji wa huduma za VVU hususani kwenye tiba na matunzo miongoni mwa vijana wadogo wanaoishi na VVU kupitia kutambua mchango na msaada wa PEPFAR katika mwitikio wa kitaifa wa UKIMWI kwa kutumia WAVIU kama wanufaikaji wa msaada kutoka PEPFAR nchini Tanzania.

Aliongeza kuwa malengo mengine ni kushirikisha jamii katika ongezeko la ufikiwaji na utumiaji wa huduma za VVU hasa kwenye tiba na matunzo na kutumia filamu hii kama zana ya uwezeshi  kwa vijana wadogo wanaoishi na VVU katika kutatua na kupambana dhidi ya unyanyapaa na ubaguzi.
Uisso aliongeza kuwa unyanyapaa binafsi kwa WAVIU bado ni changamoto kubwa ukiachilia mbali unyanyapaa utokanao na tamaduni na imani za kidini.
Alisema ushirikishwaji wa jamii ni ufunguo katika kuelimisha jamii juu ya madhara ya unyanyapaa kwa WAVIU na katika kufikia sifuri ya unyanyapaa ifikapo mwaka 2030.
“Uzinduzi huu wa filamu ya PILI ni wa tano kimkoa,  kwani kwa mara ya kwanza filamu hii ilizinduliwa kwa mkoa wa DSM tarehe 8/11/2018, Mwanza tarehe 23/11/2018, Mbeya tarehe 30/11/2018, Njombe ni leo tarehe 7/12/2018 na kilele kitakuwa kwa Mkoa wa Iringa tarehe 14/12/2018 ikiwa ni kubadilishana uzoefu kwa watu wanaoishi na VVU kama wanufaikiaji wa msaada wa PEPFAR nchini”. Alisema Uisso.



PILI anaishi  kijijini nchini Tanzania, akifanya kazi ya kibarura shambani akilipwa ujira wa chini ya dola mbili (Sh 2,600) kwa siku ili aweze kupata chakula kwa watoto wake wawili
Anaishi anahangahika kukabiliana na hali yake ya kuwa na VVU kwa kificho.



MAADHIMISHO YA SIKU YA UKIMWI DUNIANI MWAKA 2018 YALIVYOFANYIKA JIJINI DODOMA KATIKA VIWANJA VYA JAMHURI


Waziri Mkuu wa Tanzania, Kassim Majaliwa akisalimiana na Mkurugenzi Mkazi wa Shirika la Umoja wa Mataifa nchini, Alvaro Rodriguez alipowasili katika viwanja vya Jamhuri jijini Dodoma katika hafla ya maadhimisho ya Siku ya ukimwi duniani leo tarehe 01 Desemba 2018. Kushoto ni Waziri wa Nchi Ofisi ya Waziri Mkuu, Sera, Bunge, Kazi, Vijana, Ajira na Wenyeulemavu.


Waziri Mkuu wa Tanzania, Kassim Majaliwa akisalimiana na Mstahiki Meya wa Jiji la Dodoma, Profesa Davis Mwamfupe alipowasili katika viwanja vya Jamhuri jijini Dodoma katika hafla ya maadhimisho ya Siku ya ukimwi duniani leo tarehe 01 Desemba 2018. Kulia ni Katibu Mkuu Ofisi ya Waziri Mkuu, Profesa Faustine Kamuzora.


Waziri Mkuu wa Jamhuri ya Muungano wa Tanzania, Mhe. Kassim Majaliwa akikagua baadhi ya mabanda yaliyokuwa yakionyesha shughuli mbalmbali zinazoendeshwa na wadau alipotembelea mabanda hayo wakati wa hafla ya maadhimisho ya siku ya ukimwi duniani leo tarehe 01 Desemba 2018 jijini Dodoma..


Baadhi ya waandamanaji toka Ofisi ya Rais Menejimenti ya Utumishi na Utawala Bora wakipita katiika maandamano wakati wa hafla ya siku ya ukimwi duniani leo tarehe 01 Desemba 2018 jijini Dodoma.


Waziri Mkuu wa Jamhuri ya Muungano wa Tanzania, Mhe. Kassim Majaliwa akizungumza wakati wa hafla ya maadhimisho ya siku ya ukimwi duniani leo tarehe 01, Desemba 2018 jijini Dodoma. Kutoka kulia ni Waziri wa Nchi Ofisi ya Waziri Mkuu (Sera, Bunge, Ajira, Vijana na Wenyeulemavu Mhe. Jenista Mhagama, Naibu Waziri wa Afya, Maendeleo ya Jamii, Jinsia, Wezee na Watoto, Dkt. Faustine Ndugulile na Mkurugenzi Mkuu wa Tume ya Kudhibiti Ukimwi (TACAIDS), Dkt. Leornard Maboko.


Waziri wa Nchi Ofisi ya Waziri Mkuu (Sera, Bunge, Ajira, Vijana na Wenyeulemavu Mhe. Jenista Mhagama akizungumza wakati wa hafla ya maadhimisho ya siku ya ukimwi duniani leo tarehe 01, Desemba 2018 jijini Dodoma. Kutoka kulia ni Mkuu wa Mkoa wa Dodoma, Binilith Mahenge, Waziri Mkuu, Mhe. Kassim Majaliwa, Naibu Waziri wa Afya, Maendeleo ya Jamii, Jinsia, Wezee na Watoto, Dkt. Faustine Ndugulile na Mkurugenzi Mkuu wa Tume ya Kudhibiti Ukimwi (TACAIDS), Dkt. Leornard Maboko.


Mkurugenzi Mkuu wa Tume ya Kudhibiti Ukimwi (TACAIDS), Dkt. Leornard Maboko akizungumza wakati wa hafla ya maadhimisho ya siku ya ukimwi duniani leo tarehe 01, Desemba 2018 jijini Dodoma. Kutoka kulia ni Waziri Mkuu, Mhe. Kassim Majaliwa, Waziri wa Nchi Ofisi ya Waziri Mkuu (Sera, Bunge, Ajira, Vijana na Wenyeulemavu Mhe. Jenista Mhagama na Naibu Waziri wa Afya, Maendeleo ya Jamii, Jinsia, Wezee na Watoto, Dkt. Faustine Ndugulile.


Mwenyekiti wa Baraza la Watu Wanaosihi na Virusi vya Ukimwi Tanzania (NACOPHA), Bi. Leticia Mourice akizungumza wakati wa hafla ya maadhimisho ya siku ya ukimwi duniani leo tarehe 01, Desemba 2018 jijini Dodoma. Kutoka kulia ni Waziri Mkuu, Mhe. Kassim Majaliwa, Waziri wa Nchi Ofisi ya Waziri Mkuu (Sera, Bunge, Ajira, Vijana na Wenyeulemavu Mhe. Jenista Mhagama na Naibu Waziri wa Afya, Maendeleo ya Jamii, Jinsia, Wezee na Watoto, Dkt. Faustine Ndugulile na Mkurugenzi Mkuu wa Tume ya Kudhibiti Ukimwi (TACAIDS), Dkt. Leornard Maboko.


Waziri Mkuu Kassim Majaliwa akikata utepe kuzindua Mkakati wa Nne wa Taifa wa Kudhibiti UKIMWI 2018/19 - 2022/23 leo tarehe 01 Desmba 2018 jijini Dodoma. Kutoka kushoto ni Mkurugenzi Mkuu wa Tume ya Kudhibiti Ukimwi (TACAIDS), Dkt. Leornard Maboko, Waziri wa Nchi Ofisi ya Waziri Mkuu (Sera, Bunge, Ajira, Vijana na Wenyeulemavu Mhe. Jenista Mhagama,  Naibu Waziri wa Afya, Maendeleo ya Jamii, Jinsia, Wezee na Watoto, Dkt. Faustine Ndugulile na Naibu Waziri Ofisi ya Makamu wa Rais Mazingira na Muungano, Mussa Sima. Mkakati huo unatarajia kupunguza maambukizi mapya ya VVU kwa asilimia 75 ifikapo mwaka 2020 na asilimia 85 ifikapo mwaka 2023.


Waziri Mkuu Kassim Majaliwa akimkabidhi Waziri wa Nchi, Ofisi ya Rais TAMISEMI, Seleman Jaffo nakala ya Mkakati wa Nne wa Taifa wa Kudhibiti UKIMWI 2018/19 - 2022/23 leo tarehe 01 Desmba 2018 jijini Dodoma. Kutoka kushoto ni Waziri wa Nchi Ofisi ya Waziri Mkuu, Mhe. Jenista Mhagama,  Naibu Waziri wa Afya, Maendeleo ya Jamii, Jinsia, Wezee na Watoto, Dkt. Faustine Ndugulile, Naibu Waziri Ofisi ya Makamu wa Rais Mazingira na Muungano, Mussa Sima na Naibu Waziri wa Madini, Stanslaus Nyongo. Mkakati huo unatarajia kupunguza maambukizi mapya ya VVU kwa asilimia 75 ifikapo mwaka 2020 na asilimia 85 ifikapo mwaka 2023.


Waziri Mkuu Kassim Majaliwa akimkabidhi Mkurugenzi Mkazi wa Shirika la Umoja wa Mataifa nchini, Alvaro Rodriguez nakala ya Mkakati wa Nne wa Taifa wa Kudhibiti UKIMWI 2018/19 - 2022/23 leo tarehe 01 Desmba 2018 jijini Dodoma. Kutoka kushoto ni Muwakilishi  Mkazi wa Shirika la Umoja wa Mataifa linaloshughulikia UKIMWI   Duniani (UNAIDS) Dkt. Leo  Zekeng, Mkurugenzi Mkuu wa Tume ya Kudhibiti Ukimwi (TACAIDS), Dkt. Leornard Maboko, Waziri wa Nchi Ofisi ya Waziri Mkuu, Mhe. Jenista Mhagama na Naibu Waziri wa Afya, Maendeleo ya Jamii, Jinsia, Wezee na Watoto, Dkt. Faustine Ndugulile. Mkakati huo unatarajia kupunguza maambukizi mapya ya VVU kwa asilimia 75 ifikapo mwaka 2020 na asilimia 85 ifikapo mwaka 2023.

Waziri Mkuu Kassim Majaliwa (katikati) akiwa katika picha ya pamoja na baadhi ya wadau wa masuala ya Ukimwi wakati wa maadhimisho ya Siku ya Ukimwi Duniani iliyofanyika kitaifa jijini Dodoma leo. (Picha zote na: Frank Shija - MAELEZO, Dodoma)

























MKUTANO MKUU WA TATU WA BARAZA LA TAIFA LA WATU WANAOISHI NA VIRUSI VYA UKIMWI TANZANIA (NACOPHA) WAMALIZIKA.


Mkutano Mkuu wa tatu wa Baraza la Taifa la Watu wanaoishi na VVU ulianza mnamo tarehe 15 Novemba 2018 nakumalizika tarehe 16 Novemba 2018, katika ukumbi wa Chuo cha Mipango Jijini Dodoma.

Mkutano huo ulifunguliwa na katibu Mkuu  Ofisi ya Waziri Mkuu Sera, Bunge,  Kazi, ajira, vijana, na watu wenye ulemavu Prof. Faustin Kamuzora aliyemuwakilisha Waziri Mkuu wa Jamhuri ya Muungano wa Tanzania Mhe.Kassim Majaliwa.

Serikali imewaahidi watu wanaoishi na Virusi Vya UKIMWI nchini kutofumbia macho changamoto wanazokabiliana nazo na kuhakikisha inaendelea kuboresha huduma za UKIMWI hapa nchini hayo yalisemwa kupitia hotuba  ya Waziri Mkuu wa Jamuhuri  ya Muungano wa Tanzania Majaliwa Kassim Majaliwa iliyosomwa kwa niaba yake na Prof. Faustin Kamuzora
Amesema kupitia hotuba ya mwenyekiti wa NACOPHA bwana justine Mwinuka alibaini changamoto mbalimbali zinazowakabili WAVIU ambazo ni pamoja na umbali wa vituo vya matibabu na kutumia muda mrefu kwenye vituo vya matibabu,kipato duni cha WAVIU kugharamia matibabu,lugha na vitendo vya unyanyapaa katika vituo vya kutolea huduma, uhaba wa mashine za kupimia wingi wa Virusi kwenye damu na kuratibu wadau wote kwa Ushirikishwaji wa WAVIU kwenye mwitikio wa UKIMWI kupitia muundo wa konga za WAVIU.

Aidha amesema katika kukabiliana na changamoto hizi, serikali imeendelea kufanya juhudi za kuzipunguza na hata kuzimaliza kabisa kwa kuongeza idadi ya vituo vya afya  vinavyotoa huduma ya matibabu ya VVU “hadi kufikia July 2018 tuna vituo visivyopungua 8000 vya kutolea huduma za matibabu ya VVU, pia tumeweza kusajiri WAVIU 839,544 kufikia mwishoni mwa mwaka 2017”
Mkutano huu umeenda sambamba na Baraza kutambua na kutunukia nishani za heshima kwa baadhi ya Viongozi kwa kutambua michango yao mikubwa katika mwitikio wa UKIMWI. 

Waliotunukiwa nishani hizo ni pamoja na Mhe, Waziri Mkuu wa Jamuhuri ya Muungano wa Tanzania Majaliwa Kassim Majaliwa, Spika wa bunge la Jamhuri ya Muungano wa Tanzania Job Ndugai, 

Mkurugenzi mstaafu wa TACAIDS Bi. Fatuma Mrisho, Mwenyekiti mstaafu wa NACOPHA bwana Vitalis Makayula na Mwenyekiti wa NYP+ Nevala Kyando.


Pamoja na hayo Mkutano Mkuu uliweza kuwachagua viongozi Bodi ya Baraza la Taifa la WAVIU ambapo wafuatao walichaguliwa kuwa viongozi wa bodi kwa nafasi ya Mwenyekiti ilitwaliwa na Bi Leticia Mourice Kapela wa konga ya Bukombe, Makamu Mwenyekiti bwana Yusufu Alfred Merere mweka hazina Mitterrand Mohamed Dagila  na wajumbe  Shamila Ibrahim, Elias Charles, Christina Martin, Deogratius Clevass, Francis Stolla, Hermes Mutagwaba, Pudensiana Mbwiliza na Amir Mahamud.




Mbali na uchaguzi wa bodi walichaguliwa pia wawakilishi wa WAVIU kwenye TNCM ambao ni Japhes Baitani na Pudensiana Mbwiliza

Mkutano mkuu wa NACOPHA hufanyika kila baada ya miaka mitatu kwa kuwakutanisha wawakilishi kutoka Tanzania Bara na wadau wengine wa UKIMWI ukiwa na lengo la kutathimini utekelezaji wa Baraza kwa kipindi cha miaka mitatu iliyopita, kupata taarifa ya mwelekeo wa Baraza kwa kipindi kinachofuata na kujadiliana kuhusu mafanikio na changamoto zinazowapata WAVIU kote nchini  pamoja na utekelezaji wa mkakati wa kitaifa wa  kufikia tisini tatu (90-90-90) .

















PROF.KAMUZORA AELEZA HALI YA UKIMWI NCHINI

Katibu Mkuu  Ofisi ya Waziri Mkuu Sera, Bunge,  Kazi, ajira, vijana, na watu wenye ulemavu Prof. Faustin Kamuzora amesema Tanzania inakadiriwa
 kuwa na watu wanaoishi na maambukizi ya Virusi Vya UKIMWI 1,400,000 ambapo nusu ya hao hawajitambui kuwa wanaishi na VVU.


Prof. Kamuzora aliyasema hayo leo Jijini Dodoma alipokua akifungua Mkutano Mkuu wa Baraza la Taifa la Watu Wanaoishi na Virusi Vya UKIMWI Tanzania (NACOPHA) kwa niaba ya Waziri Mkuu Kassim Majaliwa.
Amesema kuwa Serikali ya Tanzania imefanya juhudi kubwa kwa kushirikiana na wadau wa maendeleo na hasa wanaume na vijana, kujitokeza kupima afya zao na kujua hali zao za maambukizi.
“Nachukua fulsa hii kuwapongeza kipekee kabisa wanachama wa NACOPHA kwa ujasiri wao wakuweza kupima nawale waliokutwa na maambukizi ya VVU kuweza kujitokeza kupata huduma mbalimbali za matibabu”. Alisema Prof. Kamuzora na kuongeza kuwa.
“Hongera nyingi nizitoe kwa jitihada kubwa sana mlizofanya kuweza kupima nakuanza tiba ukizingatia hapo awali suala la kuanza tiba halikufanyika sambamba na kupima kama iliyo hivi sasa, “alisema.
Aidha aliwataka Watanzania kujiwekea utaratibu wa kupima afya zao ili kujua hali zao na endapo wakigundulika wanamaambukizi waanze tiba mapema  kwani kwa sasa mazingira ni rafiki na dawa zinapatikana bure katika vituo vyote vya afya.
Prof. Kamuzora alisema serikali kamwe haitafumbia macho changamoto mbalimbali zinawapata watu wanaoishi na Virusi Vya UKIMWI na badala yake Serikali inaendelea kufanya juhudi za kupunguza  kumaliza kabisa changamoto hizo.
Amesema kuwa katika kukabiliana na changamoto hiyo Serikali imeongeza idadi ya vituo vya afya vinavyotoa huduma ya matibabu ya VVU ambapo hadi Julia 2018 kulikuwa na vituo 8000 vya kutolea huduma ya matibabu.
“Pia tumeweza kusajili watu wanaoishi navirusi vya ukimwi 839,5 kufiki mwishon mwa mwaka 2017 ambayo inajumisha watu wazima na watoto” alisema.
Naye Mwenyekiti wa Baraza la Taifa la watu wanaoishi na virusi vya ukimwi bara Justin Mwinuka aliasema wanakabiliwa na changamoto ya umbali wa vituo vya matibabu na kupelekea kutumia muda mrefu kwenye vituo vya matibabu  hali inayochangia utoro wa kupata huduma hiyo.
Amesema lugha na vitendo vya unyanyapaaji kutoka kwa watoa huduma kwenye vituo vya afya ni kubwa hali inayowafanya watu wengi na hasa wajawazito, vijana, wasichana, na wenye umri balehe wasiende kupata katika vituo hivyo
Habari na Fullshangwe Blog